斋抢着一条单裤穿上，光身下床，夺路奔逃。阿巧羞得钻进被窝，再不出头露面。

    二宝连说带骂，数落一顿，仍往楼下洪氏房间。洪氏已披衣坐起。二宝努目哆嘴，签坐床沿。洪氏问道：“楼浪啥人来浪哚？”二宝不答，却思这事不便张扬，不如将计就计，遂和洪氏商量，yù令朴斋赶往南京，寻到史三公子家中问个确信。洪氏亦以为然。二宝便高声喊：“阿哥！”朴斋不敢不至，惴惴然侍立一旁。

    二宝推洪氏先说。洪氏约略说了，并命即日起行。朴斋不敢不从。二宝复叮咛道：“耐到仔南京末，定归要碰着仔史三公子，当面问俚为啥无援信，难末啥辰光到上海，（要勿）忘记！”

    朴斋唯唯遵命，二宝才去梳头。踅到楼上自己房间，只见阿巧正在弯腰扫地，鼻涕眼泪挥洒不止，二宝索xìng不理。

    恰好这日长江轮船半夜开行，朴斋吃过晚饭，打起铺盖，向洪氏讨些盘缠。洪氏嘱其早去早归，娘姨阿虎闯口道：“倪看下来有数目个哉，南京去做啥嗄？就去末也定归见勿着史三公子个面（口宛）。史三公子抵桩勿来，就见仔面，也无行用。”洪氏道：“俚勿相信个呀，定归要南京去一埭，问仔个信，故末相信哉。”阿虎道：“二小姐勿相信末，耐是俚亲生娘，要提亮俚个呀。二小姐肚皮里道仔史三公子还要来个哉，定归要问个信。耐想，去问啥人哚？就碰着仔史三公子，问俚，俚人末匆来，嘴里阿肯说‘勿来’，原不过回报耐一句‘难要来哉’。二小姐再要上仔俚个当，一径等来浪，等到年底下，真真坍仔台歇作！”洪氏道：“闲话是勿差，难等南京转来仔再说。”阿虎道：“勿然也匆关倪事，倪就为仔三四千店帐来里发极。倘然推扳点小姐，倪倒勿去搭俚拿仔几几花花哉。倪看见二小姐五月里一个月，碰和吃酒，闹猛得势，故歇趁早豁开仔史三公子，巴结点做生意，故末年底下还点、借点，三四千也匆要紧。再要哝下去，来勿及哉囗！”

    洪氏默然。朴斋道：“让我去问仔个信看。倘然史三公子勿来，生来做生意。”阿虎冷笑走开。朴斋藏好盘缠，背上铺盖，辞别出门。

    过了一宿，二宝便令阿虎去东合兴里吴雪香家喊小妹姐来。阿虎知道事发，答应而去。二宝想好几句闲话，教给洪氏照样向说，不必多言。

    一会儿，阿虎同着小妹姐引见洪氏，二宝含笑让坐。洪氏说道：“倪月底一家门才要到南京去寻个史三公子，让阿巧去寻生意罢。一块洋钱一月，倪拨到俚年底末哉。”小妹姐听了，略怔一怔道：“价末到个辰光让俚出来，也正好（口宛）。”二宝接嘴道：“倪勿做仔生意，生活一点无拨。阿巧来里，也无啥做；早点出去末，也好早点寻生意，阿对？”小妹姐没的说，就命阿巧去收拾。二宝教洪氏拿出三块洋钱jiāo与小妹姐，又令相帮担囊相送。小妹姐乃领阿巧道谢辞行。

    随后裁衣张司务要支工帐二宝亦教洪氏付与十块洋钱。阿虎背着二宝悄对洪氏道：“耐末样式样依仔个二小姐，二小姐有点勿着落个囗！故歇一塌括仔还有几块啥洋钱，再要做衣裳！该号衣裳，等俚嫁仔人做末哉（口宛），啥个要紧嗄？”洪氏道：“我也搭俚说过歇个哉，俚说做完仔狐皮个停工。”阿虎太息而罢。

    不想次日一早，小妹姐复领阿巧回来，送至洪氏房中。小妹姐指着阿巧向洪氏道：“俚乃是我外甥囡。俚哚爷娘托拨我，教我荐荐俚生意。俚乃自家勿争气，做仔（要勿）面孔个事体，连搭我也无面孔，对勿住俚叹爷娘。我末寄仔封信下去，喊俚哚爷娘上来，耐拿俚个人jiāo代俚哚娘爷好哉，我匆管帐。”洪氏茫然，问道：“耐说个啥闲话，我匆懂（口宛）。”小妹姐且走且说道：“耐勿懂末，问阿巧，等俚自家说。”

    楼上二宝刚刚起身，闻声赶下。小妹姐已自去了，只