ìng要豁开仔俚个诗，再去做。耐末摆好仔‘还来就菊花’个题目，（要勿）钻到题目里向去做，倒要跳出题目外头来，自家去做自家个诗，同题目对勿对也（要勿）去管俚，让题目凑到我诗浪来，故末好哉。”小赞又连连点头，心领神会。

    亚白撇下小赞，回到大观楼上，连写七副请帖，写着“翌午饯菊候叙”，jiāo付管家，将去赍送。俄闻楼下呖呖然燕剪莺簧一片说笑，分明是姚文君声音。亚白只道管家以讹传讹叫来的局，等姚文君上楼，急问：“耐来做啥？”文君道：“癞头鼋咿到仔上海哉呀。”亚白始知其为癞头鼋而来，因笑道：“我刚刚明朝要请客，耐倒来哉。”两人说着，携手进房。

    文君生xìng喜动，赶紧脱下外罩衣服，自去园中各处游玩多时，回来向亚白道：“齐大人去仔就推扳得野哚！连搭菊花山也低倒仔个头，好像有点勿起劲。”亚白拍手叫妙，且道：“耐要做仔首‘还来就菊花’个诗末，出色哉！”文君究问云何，亚白乱以他语。当晚两人只在房间任意消遣，过了一宵。

    这日，十月既望，葛仲英、吴雪香到的最早，坐在高亚白房里，等姚文君梳洗完毕，相与同往鹦鹉楼台。葛仲英传言，陶、朱两家弟兄有事，谢谢匆来。高亚白问何事，仲英道：“倒也匆曾清爽。”

    接着，华铁眉挈了孙素兰相继并至，厮见坐定。高亚白道：“素兰先生住两日哉（口宛），听说癞头鼋来里。”葛仲英道：“癞头鼋勿长远转去，为啥咿来嗄？”华铁眉道：“乔老四搭我说，癞头鼋该埭来要办几个赌棍。为仔前回癞头鼋同李鹤汀、乔老四三家头去赌，拨个大流氓合仔一淘赌棍倒脱靴，三家头输脱仔十几万哚。幸亏有两个小流氓分勿着洋钱，难末闹穿仔下来。癞头鼋定归要办。”高亚白、葛仲英皆道：“故歇上海个赌也忒啥个勿像样，该应要办办哉。”华铁眉道：“倒勿容易办囗。我看个访单浪，头脑末二品顶戴，海外得来！手下底一百多人，连搭衙门里差役、堂子里倌人，才是俚帮手。”孙素兰、吴雪香、姚文君皆道：“倌人是啥人嗄？”华铁眉道：“我就记得一个杨媛媛。”众人一听，相视错愕，都要请问其故。

    适值管家通报客至，正是李鸿订和杨媛媛两人。众人迎着，截口不谈。高亚自问李鹤汀：“耐失窃阿曾报官？”鹤汀说：“报哉。”杨媛媛白瞪着眼，问：“阿是耐去报个官？”鹤汀笑说：“勿关耐事。”杨媛媛道：“生来勿关倪事，耐去报末哉（口宛）。”鹤汀道：“耐末瞎缠，倪说个匡二呀。”杨媛媛方默然。

    将及午牌时分，高亚白命管家摆席。因为客少，用两张方桌合拼双台，四客四局，三面围坐，空出底下坐位，恰好对花饮酒。

    一时，又谈起癞头鼋之事。杨媛媛冷笑两声，接嘴说道：“昨日癞头鼋到倪搭来，说要办周少和。周少和是夷场浪出名个大流氓，堂子里陆里一家勿认得俚！前回大少爷同俚一淘碰和，倪也晓得俚生来总有点花样。不过倪吃仔把势饭，要做生意个（口宛），阿敢去得罪个大流氓？就看俚哚做花样末，倪也只好勿响。故歇癞头鼋倒说倪搭周少和通同作弊，阿有该号事体！”说罢，满面怒容，水汪汪含着两眶眼泪。李鹤汀又笑又叹，华铁眉、葛仲英劝道：“癞头鼋个闲话，再有啥人相信俚？等俚去说末哉！”

    高亚白要搭讪开去，顾见小赞一傍侍立，就问其菊花诗阿曾做。小赞道：“做末咿做仔一首，勿晓得阿对。”亚白道：“耐去拿得来看。”小赞应两声“是’，立着不动。亚白甚是怪诧。小赞禀道：“鼎丰里赵二宝搭差个人来，要见高老爷。”

    说声未绝，只见小赞身后转出一个后生，打个千，叫声“高老爷”。亚自认得是前日园门遇见的赵朴斋，问其来意，原为打听史三公子有无书信。亚白道：“该搭一径无拨信，要末别场花去问声看