脚洋钱，耐也（要勿）去眼热。故歇生来要吃点亏，耐要会梳仔个头末好哉。勿然我搭耐说仔罢，刚刚乡下上来，头一家做生意就匆高兴出来，出来仔耐想做啥？再有啥人家要耐？”阿巧呜咽道：“无(女每)，耐勿晓得呀！单是做生活倒罢哉，我来里做生活，俚哚再要搭我噪。我匆噪末，俚哚就匆快活，告诉无(女每)，说我做生活勿高兴。碰着会噪点个客人，俚哚同客人串通仔，拿我来寻开心：一个客人拉住仔个手，一个客人扳牢仔个脚，俚哚两家头来剥我裤子。”说着，复呜呜咽咽哭个不住。却引得葛仲英、吴雪香都好笑起来。小妹姐也笑了，急问：“阿曾剥嗄？”阿巧哭道：“啥勿曾剥！倒是先生看匆过，拉我起来。无(女每)晓得仔，例说我小干仵哭哭笑笑，讨人厌。”吴雪香按说道：“客人也忒啥无淘成！人家一个大姐，耐剥脱俚裤子，阿是勿作兴个！”葛仲英道：“一块洋钱一月，阿怕无拨人家要？（要勿）到俚哚去做哉！”小妹姐独无言。

    迨房间内收拾已毕，葛仲英、吴雪香将要安置，小妹姐乃向阿巧道：“耐就匆做，也等我寻着仔人家末好出来，故歇耐转去，哝两日再说。”阿巧道：“价末无(女每)要搭我寻个囗！”小妹姐道：“晓得哉，耐去罢。”阿巧又问：“烟灯罩阿要赔嗄？”小妹姐叫把跌碎的留下：“明朝我去买。”又叮嘱：“难末做生活当心点！”

    阿巧答应，辞了小妹姐，仍归至尚仁里卫霞仙家。那时客堂里宣卷道流正演说《洛阳桥》故事，许多闲人簇拥观听。阿巧概不理会，径去后面小房间见老鸨卫姐，回说：“烟灯罩洋货店里勿肯调，明朝无(女每)去买得来。”卫

    松语文学免费小说阅读_www.16sy.com